Irakaslegaientzako matematika eta bere didaktika [Interneteko baliabidea] / Josu Ruiz de Gauna Gorostiza, Jesús García Iturrioz, Joxemari Sarasua Fernández

Testuliburu honetan Lehen Hezkuntzako Graduko Irakaslegaientzako Matematika eta Bere Didaktika I irakasgairako programa jorratzen da. Lehendabiziko gaian, «Matematikaren ikuspegi orokorra», eskola-matematikan ohikoak diren gai batzuetatik ibilbidea egingo dugu: matematikaren balio praktikoa, matematikako zenbait atalen historia (zenbakikuntza-sistemak, geometria, estatistika eta probabilitatea) eta matematikaren arrazoibiderako eta multzoen teoriarako sarrera. Era berean, matematikaren irakaskuntzaren historiatik ibilbidea egiten da, indarrean dagoen curriculumaren azterketarekin bukatzeko. Bigarren gaian, «Problemen ebazpena», tratamendu orokorretatik abiatuta eskola-problemak aztertzera igarotzen da. Hirugarren gaian, «Teknologia berriak eta matematikaren irakaskuntzarako baliabideak», matematikaren irakaskuntzarako baliagarriak izan daitezkeen teknologia berriei begiratu bat ematen zaie.