Horra, horra, gure Olentzero__ / [koordinaketa, Nerea Arregi ; hitzak, Jon Lopategi ; irudiak, Mikel Mardones]

Liburu hau 2 eta 8 urte bitarteko haurrei zuzendua eta ahozko zein idatzizko hizkuntzaren garapena bultzatzeko da. Hizkuntzak, komunikazio eta espresio bide nagusiak, garrantzi handia du haurraren gainontzeko aprendizaietan. Komunikazio hori errazteko sortu da liburu hau, ahozko zein idatzizko hizkuntzaren garapena bultzatzeko. Liburu honek badu beste helburu garrantzitsu bat ere: euskal kultura ezagutzera ematea, euskal ohitura, folklorea eta gainontzeko kultur ondarea berreskuratzea. Liburu honen berritasunik interesgarriena zera da, bertsotan idatzita egotea, ipuina kontatzeko geure-geurea den espresio bide hau erabiliz. Honela, ipuina bertsotan entzun edo irakurri ezezik kantatu ere egin ahal izango du haurrak. Ipuin honek eskaintzen dituen aukerak asko dira: txikiei marrazkien deskribapen hutsa egitetik hasi eta nagusiagoei espazio eta denbora jakin batean gertatutako historia koherente bat kontatzerainokoak.