Gizarte irekia eta haren etsaiak I [Interneteko baliabidea] / Karl R. Popper ; itzultzailea, Josu Zabaleta Kortabarria

Liburu honetan hitz gogorrak esaten badira gizadiak izan dituen buruzagi intelektualetan handienetako batzuez, ez da, zinez, haiek gutxietsi nahi izan direlako. Ez da hori izan arrazoia, gure zibilizazioak bizirik iraungo baldin badu, gizon handiekiko begiramen-ohitura hautsi beharra dugulako konbentzimendua baizik. Gizon handiek egin ditzakete hutsegite handiak; eta, liburu hau frogatzen ahaleginduko den bezala, iraganeko buruzagirik handienetako batzuk etengabe aritu ziren askatasunaren eta arrazoiaren kontra erasoka. Haien eraginak, gutxiegitan baizik ez baita zalantzan jarri, oraindik ere bide okerretik eramaten ditu, eta beren artean zatitzen, zibilizazioaren defentsa beren esku dutenak.