Hezkuntzaren psikologiarako praktiken eskuliburua [Interneteko baliabidea] / Ana Arribillaga...[et al.] : kasuak lantzen

Eskuliburu honen helburua da graduetako ikasleak, baita graduondo zehatz batzuetako ikasleak ere, hainbat kasu praktikoren azterketaren bidez trebatzea etorkizuneko lanbideetako zereginetan. Izan ere, Europako Unibertsitate Eremuaren eraikuntzak irakaskuntza eta ikaskuntza hobetzeko aukera eman digu unibertsitateko irakasleoi, gutxienez bi ildo nagusitatik. Alde batetik, irakats-eskaintza berriztatzeko aukera dugu, gradu eta graduondoen egituraketarekin batera; eta, bestetik, baita irakats-praktika berriztatzeko aukera ere. Biak garrantzitsuak izanik, azken hori izan da eskuliburu honen egileen erronka. Hau da, ikaskuntzan oinarritua dagoen irakaskuntza eredua gauzatzea eta gure ikasleengan testuinguru profesionalean jarduteko eta ikasten jarraitzeko gaitasuna sustatzea. Erronka horri aurre egiteko, testuinguru profesionalarekin erlazionaturiko ikas-jarduerak berritzeko eta sortzeko beharra izan dugu.