Basarri II : jarritako bertso asko / Inazio Eizmendi Manterola ; bilketa eta edizioa, Joxemari Iriondo

Antonio Zavalak (Nere Bordatxotik, 1992-Sendoa) egin zuen liburua izan da Basarriren bertso idatzien bildumarik haundiena orain arte. Eta oraingo hau haren jarraipena eta osagarria da. Liburu baterako gehiegi zela eta orduan jasotzeke utzitako bertso asko hementxe dijoa, Basarrik Jarritako bertso asko izenez, uste baitugu oraindik ere ez ditugula denak bildu izango, idatziz eta kantuz azalduko baita berriz ere hemen jasotzeko gelditu den beste asko, seguruenik.Lehengo bertso idatziak-Dantza naastua-1929ko uztailaren 12an argitaratu zituen Euzkadi egunkarian; eta azkenengoak, edo berrienak-Gure zoritxarra-, 1995eko apirilaren 20an, Donostiako El Diaro Vasco egunkarian.Hamaika aldizkari, egunkari eta zirriztutan miaketan azterka saiatu ondoren osatatutako bilduma duzu hau ere. Baina guk uste eta nahi baino gehiago gelditiko ziran berriz norbaitek jasotzekotan. Beraz, bidea zabalik gelditzen da.