Aratusteak Bizkaian [Bideoa] / [zuzendaritza eta gidoia, Igone Etxebarria, Akaitze Kamiruaga ; edizinoa, Labrit Multimedia ; off ahotsa, Irati Jimenez]

Aratusteak urteko jai egutegian noiz eta zelan ospatzen diran gure inguruko herrietan jasoten da DVD honetan. Izenak, inguruko jaiak, herrian herriko tradizinoak... Aratusteak gaur egun herri guztietan ospatzen ditugu era batera edo bestera gure inguruko herrietan. Baina beti ez da hori holan izan. Herriz herri aldeak dagoz, eta historiako garaien arabera be bai. Eguen zuriz eske-errondea egiten dabe Durangaldeko herrietan, etxerik etxe egun horretako kopla bereziak abestuta. Ermuan oilar-jokoa egiten dabe eskolaumeak egun horretan. Asteburuan eta martitzenean dira ospakizunik handienak, eta horretan karnabal tradizionaletan badago zer ikusi: Mundakan marrauak atorrak jantzita urteten dira kantuan eta barrabaskeriak egiten; Markinan Hartza ibilten da dantzariakaz batera, Zahagi-dantza egiten daben bitartean; Lekeition Estudiantina herriko kaleak musikak alaitzen ditu; Durangon Surrandiak euren surrak ipinita puxikak hartuta jentea zirikatzen ibilten dira; Gernikan marroak euren dantzak egiten ditue; Tapagaranen oilarra hartuta, koplak kantetan joaten dira, Carrascoliendas direla-ta.