PISA 2012 [Interneteko baliabidea] : Emaitzen txostena eta aldagaien azterketa / [Egileak: Amaia Arregi Martínez. Laguntza teknikoa: Eduardo Ubieta Muñuzuri]

PISA (Ikasleen Nazioarteko Ebaluaziorako Programa) Ekonomia Lankidetza eta Garapenerako Antolakundeak (ELGA) bultzatutako ebaluazio proposamena da. ELGA industrializatutako herrialdeen gobernuen arteko erakundea da, eta kide diren herrialdeen garapen ekonomikoa eta soziala sustatzeko foro gisa egiten du lan. 2000. urtean Matematiken, Zientzien eta Irakurketaren esparruetan abian jarri zuten ebaluaziorako ikerketa prospektiboa eta konparatiboa da. Ikerketa hori hiru urtean behin egin ohi dute eta, aldi bakoitzean, esparruetariko bat modu zehatzagoan aztertzen du eta gainerako bi gaiak, aldiz, osagarri gisa mantentzen ditu. 2000. urtean, esate baterako, PISA Irakurketaren ebaluazioan oinarritu zen, 2003an Matematikan eta 2006. urtean, Zientzietan, 2009. urtean zikloa berriro hasi zelarik. Ebaluatutako adin-multzoa 15 urtekoa da, ikasleak DBHko 4. irakasmailakoak edo beheragoko irakasmaila batekoak izanik.