Joxe Urbieta "Takolo" : kontrariorik gabeko gizona / Enekoitz Esnaola

Hamar esalditan Joxeren argazkia egin behar, eta harengan ikusi ditudan hamar ezaugarri datozkit burura: -Langile ona, lanari aurrez ekiten ziona, eskuak urratzeko beldurrik ez zuena. - Familiako gizona, amarekiko miresmena eta familiako txikienentzat debilidadea erakusten zuena. - Lagunekin egoteko uneetan lagun giroa gustukoa zuena. - Hala ere, sarri bakardade bila joaten zekiena. - Urrutirago joan gabe, tokian tokiko bere ondokoekin eskuzabala. - Laguntasuna inoiz ukatuko ez zuena. - Barrua irakiten izan arren, isilik egoten zekiena. - Gizon gogorra eta une berean sentibera. - Leiala bere prentsakerekin eta lagunekin, hauek inoiz salduta lagako ez zituena. - Adinak eransten duen seriotasuna bere barru gazteak gehituriko alaitasunez eramaten zuena. Hamar ezaugarrietara iritsi naiz, nabarmenena -nahiz ez garrantzitsuena- esan barik: mendizalea, mendi zalea, menditik urruti bizi ezin zuena, eta mendi guztien artean Everest maite zuena.