Rol semantikoen etiketatzeak testuetako espazio-denbora informazioaren prozesamenduan daukan ereaginaz [Interneteko baliabidea] / Haritz Salaberri Izko ; zuzendaria, Olatz Arregi Uriarte, Beñat Zapirain Sierra

Tesi honen xede nagusia euskarazko rol semantikoen etiketatze automatikoa da ( Semantic RoleLabeling , SRL). Besteak beste, euskaraz idatzitako testuen analisi-kateanSRL edo azaleko analisi semantikoa egitea ahalbidetu dugu. Gainera, SRL atazarekin lotura daukaten euskarazko denbora eta espazio informazioaren etiketatze automatikorakoan ere aurrerapenak egin ditugu. Izan ere, gaur egungo estandarretara egokitutako denboraren eta espazioaren etiketatzeko tresnak garatu ditugu tesian. Orobat, diseinatu eta inplementatutako sistema guztien emaitzak beste hizkuntza batzuk prozesatzen dituzten tresnen emaitzekin alderatu ditugu.Gure lanaren beste helburua, euskararen analisi-katea hedatzeaz eta osatzeaz gainera,ondorengo bi hipotesiak baieztatzea izan da: euskaraz denboraren adierazpen linguistikoa etiketatzeko orduan rol semantikoek daukaten eragina positiboa dela, ingelesez eta gaztelaniaz bezala. Espazioaren adierazpen linguistikoa, denborarena bezala, fenomeno semantikoa dela, eta horregatik semantika eta, zehazkiago, rol semantikoek duten garrantzia nabarmena dela, informazio espazialaren etiketatze eraginkorra egin ahal izateko.