Komunitatea hats-bahiturik : hiztunaren trauma : diagnosia eta paliatiboak / Ainize Madariaga Muthular ; [liburu barruko ilustrazioak, Asisko Urmenetak moldatuak, irudi historikoetatik abiatuta ; 8.4 ataleko euskarazko itzulpena, Aiora Jaka Irizar]

Honako liburu hau lekukotasun bat da. Psikoterapia egiten ari den euskaldun batena. Egun batetik bertzera etxeko hizkuntza debekatu egin zioten eskolan eta familian. Ondorioz arazo komunikatiboak dauzka. Eta ondorio horiexei behatu nahi izan diegu arretaz, izan hiztun horren terapeutaren analisiaren bidez, izan pentsalari eta adituen ikerketara joz. Susmoa baitugu gure komunitateak bere zabalean ere pairatzen dituela nekezia berberak. Eta erremedio xerka ere abiatu gara; sendagarri ez bada ere, agingarri bederen.