Ez gara neutralak : Argiaren kazetaritza zenbait historia, ideia eta praktikaren bidez azaldua / Gorka Bereziartua Mitxelena

ARGIAren kazetaritzari buruzko liburua da hau. Saiakera bat, ideia handiak esplikatu nahi dituena 100 urte bete dituen proiektu komunikatibo txiki baten eguneroko praktiketatik. Ezin ahaztu nondik gatozen: ez da batere erraza izan euskarazko hedabide hau mendeurrenera iristea. Baina hemen bildu ditugun gogoetetan, iragan hori joan nahi dugun lekura iristeko mapa bihurtu da: informazioa ekoizteko bitartekoak botere-talde handien eskuetan pilatzen ari diren garaiotan, gure hizkuntzan informatzea, ARGIAren filosofia kolektibista eta berdinzalea duen medio batean, ezarri nahi duten ordenaren kontra aritzea da. Gu ordea, sinetsita gaude beste era batera informatzen den jendeak bestelako munduak sor ditzakeela. Eta mundu desberdin horien alde lerratzen gara. Ez gara neutralak.