Kikarakada / erredakzioa, Gaizka Izagirre ; [testuak, Amaia Uribe... (et. al.)]

Euskal kulturaren hiru zutabe diren elkartasunak, sukaldaritzak eta arteak bat egiten duten proiektua da kikarakada. Kikarakada lehen begiratuan argazki, literatura eta errezeta liburu bat besterik ez zaizu irudituko. Bere barnean ordea arraza, jatorri eta kolore anitzeko haurrak topatuko dituzu, txokolate katilukada eskuan, elikagai gozo honek eskaintzen duen une atsegina bizitzen, irribarrea ahoan euren zoriontasuna partekatu nahian. Greziako Lesbos uhartean dauden eta txokolatez zipriztintzeko aukerarik ez duten haur errefuxiatuei hezkuntzarako azpiegiturak lortzeko baliabide ekonomikoak eskuratzea du helburu, eta bide batez, txokolate kikarakadak bidaltzea. Euskak kulturako zenbait eragile, sukaldari, idazle, bertsolari, kazetari eta musikarik, euren sormena proiektuaren alde jarri dute. Haur errefuxiatuak eta txokolatea oinarri hartuta euren sormena martxan jarri dute testu eta errezeta bilduma sortuz. Kikara ikur hartuta elkartasun proiektu honi forma eman diote.