Armairuak irekiz (Unitate didaktikoa - Batxilergoa) [Interneteko baliabidea] : homosexualitatearen inguruko memoria historikoa lantzeko / Koldo Mitxelena Institutua

"Asun Urbieta naiz ni, Errenterian jaio nintzen 1958 urtean eta une honetan 56 urte ditut. Gurea nahiko etxe arrunta zen, ohikoa. Ez nuke esango ezta erdi mailako klasekoak ginenik ere. Ia nire bizitza osoa herrian eman dut eta bertan segitzen dut gaur egun. Frankismoaren azken urte haietatik gogoan dut, batez ere, beldur handia pasatzen genuela. Manifestazioz manifestazio ibiltzen ginen, polizien jazarpena gainetik kendu ezinik. Baina beldurra bezainbestekoa zen ilusioa, den-dena egiteko zegoela uste baikenuen, den-dena irabazteko geneukala. Izan ere, ezer ere ez daukanak guztia dauka irabazteko. Franco hil zenean, nik 16 urte nituen.