Aurretiazko ideiak eta ingurumen-hezkuntza : bi belaunalditako ikasleen ideien konparaketa (1996 eta 2013) = Ideas previas y educación ambiental : comparación entre las ideas del alumnado de dos generaciones (1996 y 2013) / koordinazioa, Basterretxea Goienola, Gurutzne ... [et al.] ; [euskaratzea, Pérez López, José Agustín, Agus Perez]

Bi hamarkada luze igaro dira Sukarrietako Eskola-Saiakuntzarako Zentroko (SESZ) ekipoak derrigorrezko hezkuntzako ikasleek ingurumen-hezkuntzako topiko batzuei buruz zituzten aurretiazko ideien gaineko ikerketa egin zuenetik. Urteotan gertaera asko jazo dira planetaren historian eta bere komunitateetan. Normala denez, SESZko langilerian eta funtzionamenduan ere gertatu dira aldaketak, baina horrek ez dio uko egiterik ekarri egunez egun bere baliagarritasuna frogatzen duen eredu pedagogikoari. Are gehiago: horren froga dira urteotan plazaratu diren argitalpenak, tokian tokiko nahiz nazioarteko kongresuetan emandako ponentziak, hezkuntza-aldizkarietan agertutako artikuluak eta abarrekoak. urte horien ostean eta José Ramón Díez López Euskal Herriko Unibertsitateko (EHU) irakaslearen eta oraingo ikerketaren egile kidearen ekimenez, 2013an SESZko talde pedagogikoak bere buruari planteatu zion oraingo ikerketarako aukera. Horren arabera, aztertu beharko litzateke ea aldaketa edo nobedaderik gertatu ote den 1995-96ko ikerketan parte hartu zuten ikasleen aurretiazko ideiak eta orainean (2013) aurkeztutakoak konparatuz gero, betiere orduko instrumentuak eta metodologia bera erabiliz.