Ingeniaritza termikoa / Iñaki Gómez Arriaran, José Lorenzo Gutierrez de Rozas Salterain ; [hizkuntza zuzenketen arduraduna, Jose Ramon Etxebarria Bilbao]

Gizartearen garapen jasangarria lortzeko, ezinbestekoa dugu energia-baliabideak ahalik eta modu egokienean erabiltzea eta energia-baliabide horien eraldatze-prozesuak efizientzia energetiko handienaz egitea; horretarako, eraldakuntza horietan erabiltzen diren dispositibo, makina, motor eta instalazioak diseinatu, kalkulatu eta erabiltzerakoan, ingeniariak beharrezkoa du Ingeniaritza Termikoan heziketa sendoa edukitzea. Testu honetan, Ingeniaritza Termikoaren oinarri diren Termodinamika Teknikoa eta Beroaren Transmisioa jorratzen dira. Bi parte nagusitan banatu da testua; lehenengoan, termodinamikaren printzipioak aurkeztu ondoren, ingeniaritza termikoan erabiltzen diren substantzia nagusiak aztertu eta beren propietateak nola kalkulatzen diren esplikatzen da, eta ingeniaritzan erabiltzen diren sistema ireki zein itxien analisi energetiko eta exergetikoa egiten da, sistema horietan gertatzen diren prozesuak deskribatuz. Bigarren partean, bero-transmisioaren mekanismoak eta aplikazioak esplikatzen dira, erregimen egonkorrean zein erregimen ez-egonkorrean.