Arratiako dantza-koplak [Interneteko baliabidea] / [egilea] Jabier Kalzakorta

Laratzak ezagutzen dau nor zelakoa dan. Aspaldion gure bizimodua aldatuz joan dan neurrian gure etxeak eta eurotako suete, ezkaratz, sukaldeen itxura bera be goitik behera aldatu dira. Beheko suak urri dira gure bizimoduetan eta galduta dago ia-ia sutondoan sortzen zan harako giro epel eta samurra. Sutondoa beti izan da ume, gazte eta zaharren irudimen munduaren bizitoki eta bizigarri. Eta laratzak iraun dau tinko halakoetan. Umeak koskortu eta handitu, gazteria adineko egin eta zahartu... baina laratzak beti entzun izan ditu urteetan eta urteetan antzeko kantu, kontu, esaunda, bertso, kopla eta ipuinak. Honeek guztiak dira liburu-sorta honetara ekarri gura geunkezanak aldian-aldian.