Itxi liburuak [Interneteko baliabidea - Bideoa] : Jose Antonio Agirre lehendakariaren historia / Orio Produkzioak ekoiztetxeak ETBrentzat eginiko lana

"Itxi Liburuak" Euskal Herriko historiari buruz ETB1en emititzen den telebista saioa da. Gaizka Aranguren kazetaria eta historia dibulgatzailea da aurkezlea, baina saio bakoitzean Euskal Herriko pertsona ezagun batek ikasle batzuei historia-eskola «dibertigarri bat» lantzen du ikasleen aurrean eta tokian tokiko egindako zenbait grabaziorekin eta animazioekin. Hirugarren denboraldiko kapitulu honetan: Jose Antonio Agirre lehendakariaren ibilbide politikoan murgilduko da saioa. Gonbidatua Jon Olivares aktorea izango da, eta besteak beste, honako lagunek hartuko dute parte saioan: Iñaki Goiogana (Sabino Arana fundazioa, Abertzaletasunaren agiritegiko teknikaria), Ander Delgado (historialaria eta EHUko irakaslea), Xabier Irujo (Renoko Euskal Ikerguneko zuzendaria), Leyre Arrieta (Historia Garaikidean doktorea eta Deustuko Unibertsitateko irakaslea) eta Aitor Agirre (Agirreren biloba). (2022ko urtarrilak 27)