50 urte 50 diseinatzaile = 50 años 50 diseñadores-as / [argitaratze-zuzendaritza, Leire Fernández Iñurritegui, Eduardo Herrera Fernández]

Universidad del País Vasco/Euskal Herriko Unibertsitateko Arte Ederren Fakultatearen 50. urteurrenaren ospakizunari lotuta, diseinu grafikoa irakasten den ikasgeletatik pasatu eta gaur egun eremu horretan profesional moduan diharduten 50 ikasle ohi bildu ditugu. Sorkuntza-industriaren ordezkari batzuk, beren lan oparoaren 50 proiektu esanguratsu erakusten dituztenak efemeridea gogora ekarri nahi duen liburu honetan. Proiektu horien bitartez, une batez gelditzea proposatzen da, hausnartzeko eta begirada aurrera eraman nahi duten emaitza batzuen garrantzia aitortzeko, konbentzituta egonda diseinu grafikoaren unibertsitate-heziketa funtsezko eragile dela gure gizartearen aurrerabide sozial, ekonomiko eta kulturalari laguntzeko. Diseinu grafikoaren heziketa hori humanismo sakon batez planteatzen da, artetik abiatuta, gure unibertsitate publiko honetatik. Betiere gure gizarteari bere harreman-espazioen konfigurazio bisuala eskaintzeko ardurarekin, berrikuntzari helduz gure ingurunearen funtsezko balio dinamizatzaile gisa.