Markos Gimenoren 101 letrakartel / Joseba Sarrionandia ; edizio grafikoa, Esteban Montorio

Markos Gimeno ermuar palindromistraren erreibindikazioa egiten du liburu honetan Joseba Sarrionandiak. Liburuak Markosen palindromoekin hainbat lagunek egindako ehunetk gora kartel biltzen ditu, Joseba Sarrionandiaren aurkezpen edo kontestualizazioekin. Erdi jolasean erdi benetan, emaitza "arleletra" artefakto edeerra eta ikaragarri barregarria da, baina, txistean geratu gabe, gauzak planteatzera datorrena, Markosek "hizpilu" hitza asmatu zuen: geure bizitza eta geure mundua islaturik, iruzkindurik eta eztabaidaturik aurkituko ditugu "hzipilu" honetan. Umorea, hemen, irribarre baten moduan zabaltzen den zauria da. Markos Gimenoren bizitza eta obra oso interesgarriak dira zentzu askotan, eta denok ezagutu beharko genuke. Haren kartel palindromiko bakoitzak sorpresa linguistiko bat aportatzen du, eta zerebroarentzako joko bat. Gainera, euskal komunitate duin, alai eta sortzaile baten parte sentiarazten gaitu