Antzerkiaren labirintoan II : artedrama baten bila / Ander Lipus ; [sar hitza, EHAZE]

Liburu honetan irakurriko dituzun letrak nire intuiziotik eta esperientziatik ateratako gogoeta xume batzuk dira. Batzuetan Lipus zuzendariak hitz egingo du, beste batzuetan Lipus aktoreak. Nire senari kasu eginez aukeratu ditut gaiak. Bakoitzaren inguruan luze idatz daiteke. Eta hamaika ñabardura erantsi. Egia da. Hemen ez dago egia biribilik. Beti da etengabeko bilatze bat. Tranpak egiten ditugu, eta gu geu ere tranpan erortzen gara. Nire ofizioan baliatu izan ditudan lanabesak nahiko nizkioke irakurleari eskaini. Esperantza daukat, honekin batera, euskaraz hain gutxi plazaratu den gure ofizioaren inguruko gogoeta suspertzea. Aktorearentzako, eta oro har antzerkiaren labirintorako euskarazko organon txiki bat da hau. Teloia gora!