Musika bidaia [Interneteko baliabidea - Webgunea] / [aholkularitza eta zuzendaritza, Iñaki Tolaretxipi Tejeria ; irakasleria, Maddalen Dorronsoro Amiano ; edukiak sortzea eta diseinu didaktikoa, Nora Alvarez de Eulate San Jose, Irantzu Marquet Lopetegi ; irakasmaterialen garapen pedagogiko-metodologikoa, Naiara Kaperotxipi Iruretagoiena ; ikasmaterialen nabigazioa eta programazioa, Unai Manterola Yagüe]

Unitate didaktikoaren proposamena, ikasleen sormen musikala aberasteko eta garatzeko sortua izan da. Gaur egun, oso zaila suertatzen zaigu gure lurraldeko mugetatik ateratzea beste leku berriak ezagutzeko, horrela, herrialde eta kontinenteen berezitasunak ezagutzeko geratzen zaigun bidea telebista, sare sozial edota aldizkari bidez horiei buruzko informazioa jasotzea da. Aipatutako bitarteko hauen bidez eskuratzen dugun informazioa profesional ezberdinengandik lor dezakegu, adibidez, kazetariengandik. Baina ogibide hau eraldaketa fase baten aurrean dago, izan ere, digitalizazioaren ondorioz, komunikazio modu berriak bilatu behar izan dituzte. Gazteen kasuan, kazetariaren lanbidea ez da oso ezaguna, horregatik, ogibide hau eta honen aldagai berriak ezagutzeko aitzakia oinarri hartuta, interesgarria iruditu zaigu Lehen Hezkuntzako 5. eta 6. mailako ikasleei begira unitate hau sortzea. Profesional hauen lana herritarrei gai desberdinen inguruko albisteak edota informazioa eskaintzean oinarritzen da. Informazioa guzti hori modu desberdinetan eskaintzeko gai dira, hartzaileak informatzeko aukeratzen duten formatuaren arabera, baina horietako batzuk ez dira ezagunak.