Hots eta hitz [Interneteko baliabidea] / Beatriz Martinez de Iturrate, Maite Egino Perez de Unzueta eta Koro Gomez Tena

Material honek hiru jolas hauetan aritzeko baliabide inprimagarriak eskaintzen ditu: oka fonetikoak, erruleta jolasa eta Dobble jolasa. Helburu nagusia, sortutako eta egokitutako mahai-jolasen bidez, ahozkotasuna eta kontzientzia fonologikoa (lexikoa, silabikoa eta fonetikoa) garatzea eta hobetzea da. Era berean, joko hezigarri horien bidez, arreta, fonemen arteko bereizketa eta hiztegia landuko eta hobetuko dira. Logopedia material hau egokia da, bai Entzumen eta hizkuntza irakasleontzat, bai Lehen Hezkuntzako lehenengo mailan lan egiten duten irakasleentzat. Izan ere, azken maila horretan irakurketa eta idazketa berariaz lantzen hasten dira. Ikasleek mahai-jolasetan jolasten ikasiz gero, beraiek bakarrik, era autonomoan, jolastu ahal izango dira. Material hau IRALEren R900 (euskarazko ahozko komunikazioa irakaskuntza-jardunean) ikastaroaren bidez sortu da.