Gerra Hotza [Interneteko baliabidea - Webgunea] : mundu bakarra, bi bide / [koordinazioa eta gidoia, Leire Mitxelena Erice, Pilar Pérez Píriz ; irudi grafikoak, Andrés David Espinoza Álvarez ; aholkulari pedagogikoa, Idoia Urkiri Azkoitia ; webgunea eta diseinu grafikoa, Juan Mari Zurutuza Zapirain]

"Gerra Hotza. Mundu bakarra, bi bide" webgunearen helburua da Gerra Hotza azaltzea. Garai historiko hori Bigarren Mundu Gerra amaitu zenean hasi zen, eta Berlingo harresia erori zenean eta Sobietar Errepublika Sozialisten Batasuna (SESB) desegin zenean amaitu zen. Superpotentziek gidatutako bi bloke politikotan banatu zen mundua: alde batetik, Ameriketako Estatu Batuak (AEB) eta haien aliatuak (bloke kapitalista) eta, bestetik, Sobietar Batasuna eta herrialde komunistak (bloke komunista). Gerra Hotzaren garaian, haietako bakoitzak bere eragin-eremua babestu eta zabaldu nahi izan zuen. Bi blokeen arteko tentsioa mundu osoko gatazketan islatu zen: Greziako Gerra Zibila, misilen krisia Kuban, Koreako eta Vietnamgo gerrak... Gerra Hotza gatazka geopolitikoa izan zen, baina baita ekonomikoa, teknologikoa eta kulturala ere. 1945 eta 1991 artean, bi superpotentziak borrokatu ziren arlo guztietan ahalik eta gehien lortzeko.