Begiek zer, izanak erran / [testua, Kattalin Arizmendi Andueza ; ilustrazioak eta maketazioa, Joanes Altxu Urtasun]

Baztango esaera zaharrak, istorioak eta Kepa Arizmendi margolariaren iruditegia abiapuntutzat dituen liburu ilustratua da "Begiek zer, izanak erran"; ahozko literatura eta bertako paisaia biltzen dituzten hiru istorio eta bertso sorta. Istorio ttiki hauen protagonista nagusiak mendia, kukua, amona eta biloba dira, eta inguruaz nahiz norbere buruaz hausnartzeko bide berriak irekitzen dituzte. Beraz, naturako elementuei erreparatzeko, hitzekin jolasteko eta lasai irakurtzeko liburua da. Baztango mintzo eta istorioetatik bihotzera. Paisaia eta izana elkartuz, ikusteko eta sentitzeko modu berriak eraikitzeko prest.