Galiziako historia : (Finisterreko oroimena) / [testugilea] Xosé Estévez ; [itzulpenaren arduraduna, Iñaki Azkune Mendia]

Izan, pentsatu, bizi, maitatu eta hiltzeko bere erak milaka urteetan zehar gorde dituen herriak bere historia propioa badu. Horixe erakutsi nahi izan digu Xosé Estévez historialariak Galiziako historia osoa biltzen duen eta "euskaldun solidario eta Euskal Herrira emigratutako gailegoei" eskaini dien liburu honetan. Erritual animista-panteista, senidetasuna eta heriotza, kastroetako kultura, Priszilianismoa, bretoien ekarpena, Compostela eta Portugalen sorrera, Irmandade Iraultza, nekazal mundua, kaparetasun eta foruen iraupena, eliza eta kazikeen eragina, emigrazioa, Frankismoarekiko joerak, nazionalismoaren sorrera eta garapena, hizkuntzarekiko atxikimendua, kutsu paganoa duten hildako eta santuekiko kultuak... Oroimenaren hastapenetik bertatik, Galiziako herria eratuz joan da, denboran zehar eta berezko zaizkion ezaugarriak medio: Espainiarekiko desberdintzen duten gizarte-klaseak eta haien arteko harremanak, tirabirak edo gatazkak, naturaz baliatu eta naturarekin eralzionatzeko moduak (pentsamoldea, kultura, egitura sozio-ekonomiko propioak), erakundeak... Edozein herrik bizirik iraun eta garatzeko duen eskubidea historiak agerian jartzen du, liburu honek ederki erakusten duen bezala.