Herriko harri harrigarriak [Naturaren zientziak - DBH 1] [Interneteko baliabidea - Eduki digital didaktikoa] / Ikastolen Elkartea

Beren herrian harriaren erabilera nolakoa den aztertuko dute ikasleek: eraikinetan, kaleetan... ikusten dituzten harriak identifikatu, sailkatu eta zer erabilera eman zaien adierazi beharko dute. Horretarako, irteera antolatuko dute herriko eremu jakin batean. Ondoren, aztertu dituzten leku esanguratsuak mapa digitalean kokatuko dituzte, eta lortu duten informazioa gehituko dute. ZERTARAKO: Ikasleak jabetzea harriak historian zehar eta gizakien jardueretan zenbateko garrantzia izan duen. Bide batez, harriak baliabide natural ez-berriztagarriak direla erakutsi nahi diegu, Lurra gure planetak eskura jartzen dizkigunak, eta ezinbestekoa dela arduraz erabiltzea.