Ura, urre urdina [Naturaren zientziak - DBH 1] [Interneteko baliabidea - Eduki digital didaktikoa] / Ikastolen Elkartea

Helburu nagusia: Honako hau izango dute egiteko nagusia: ikasleak laukoteka bilduko dira, eta ikasle bakoitzak uraren ezaugarri bat aztertuko du laborategian: dentsitatea, fusio-tenperatura, irakite-tenperatura eta disolbagarritasuna, hain zuzen. Ondoren, laukoteak txosten bakarra idatzi beharko du: uraren ezaugarriak biltzen dituen testua osatu beharko dute. ZERTARAKO: Uraren ezaugarriak ezagutzea eta barneratzea da sekuentzia honen helburu nagusia. Helburua modu erakargarrian lortzeko, sekuentzia laborategian kokatuko da. Hasieran, praktika bat birtualki egingo dute, animazio baten laguntzaz; egiteko nagusian, berriz, laborategian egingo dute praktika.