Etnologiaren nozio giltzarriak : azterketak eta testuak / Marie-Odile Géraud, Olivier Leservoisier, Richard Pottier; laguntzailea, Gérald Gaillard; [itzultzailea: Iñaki Iñurrieta Labaien; UPV/EHUko Euskara Zerbitzuak koordinatutako itzulpena]

Liburu hau ezinbesteko erreferentzia bihurtu da urte gutxian jakintza-arlo honetarako sarbide gisa. Etnologia ezagutzen hasi nahi dutenei zuzenduta dago, eta bereziki gizarte-zientzietako ikasleei. Jakintza-arlo honen metodoak eta funtsezko kontzeptuak aztertzen dira liburuan, bai eta paradigma nagusiak (eboluzionismotik estrukturalismora) eta ikerkuntza-eremuak ere (ahaidetasuna, ekonomia, politika, erlijioa...). Aztergai horietako bakoitza labur aurkezten da, eta antropologia frantses, britainiar, amerikar edo alemaneko autore esanguratsuenen lanetatik hartutako zatiz osatzen, hasi guraso fundatzaileetatik (Morgan, Tylor, Boas edo Mauss) eta garaikideetaraino (Lévi-Strauss, Malandier, Sahlins edo Geertz). Etnologiaren nozio giltzarriak tresna pedagogiko bat da, autoreei berei ematen die hitza, eta haien lanak kritikoki irakurtzeko prestatzen du ikaslea, jakintza-arlo honen historian izan diren eztabaiden konplexutasuna erakutsiz betiere. Marie-Odile Géraud etnologiako irakasle laguntzailea da Montpellier III Unibertsitatean. Olivier Leservoisier antropologiako irakaslea da Lyon 2 Unibertsitatean. Richard Pottier etnologiako irakaslea da Paris V-Sorbonan.