Zientzia haur-hezkuntzan [Interneteko baliabidea - Webgunea] / egileak, Maia Aurtenetxe, Auxi Ibañez, Naroa Kareaga, Itxaso Telletxea

Gutako baten eskolan, Zientzian ahulezia adierazi du Ebaluazio Diagnosiak. Hori dela eta, interesgarria ikusi dugu HHko 5 urteko umeak arlo horretan murgiltzea. Ohituraz, ematen du zientzia-arloa nahiko abstraktua dela Haur Hezkuntzako umeekin. Umeek, berez, jakin-min handia izaten dute. Jakin-min hori asetzeko eta ingurunea ezagutzeko, objektuak eta bestelako materialak manipulatzeko joera izaten dute. Hori guztia aprobetxatuko dugu irakasleok umeek era esanguratsuan ikas dezaten eta beren gaitasunak gara ditzaten. Horrekin batera, ez dugu aukera galduko sormena eta pentsamendu kritikoa ere bultzatzeko, besteak beste.Aurretik aipatutakoa lortzeko, hainbat esperimentu egingo ditugu umeek ezagutzen dituzten objektuak eta materialak erabilita.