Kantu bat gara / Jon Maia ; irudiak, Maite Mutuberria

Bertsolari, abeslari eta kantuen letren idazle. Hiru arlo horietan aritzen da Jon Maia Soria. Letragintzan egindako 30 urteko ibilbide oparoaren lagin bat Kantu bat gara disko-liburuan jaso du. Uzta horretako hainbat ale aukeratu ditu paperean argitaratzeko -tartean, Negu Gorriak, Ken Zazpi, Gozategi, Anari edota Garirentzat eginiko kanta ezagunak-, eta abesti horietako batzuen bertsioak biltzen dituen diskoarekin osatu du lana. Zer da kantua? Gizakiaren berezko adierazpen bat, soinuak doinu eta hitzak istorio bihurtzen dituena; herri baten espresio-bidea, bere nahi eta ezinak, pozak eta malkoak jantzirik ederrenaz transmititzen dituena, belaunaldiz belaunaldi... Hori eta beste gauza asko dira kantua, gu geu kantu bat garelako, Jon Maiak esaten digun legez. Negu Gorriarekin hasi eta beste hainbat artistarekin segi, bakarlari eta talde askorekin aritu da Maia, eta 160tik gora dira bere letra duten abestiak. Horietako zenbait berak interpretatu eta grabatu ditu disko-liburu honetararako.